O Mañanceiro.

Comando Cultural Os Rabiscos  

O Raposo no Galiñeiro   

 

 

 

 

Artigo de Teo Cardalda F.   

Xa fai dúas décadas cando comezouse a falar da economía de mercado; por aqueles anos caía ao chan o Muro de Berlín. A partir desas datas comezaron a intoxicarnos coméndonos  a cachola con aquilo de que  as entidades financeiras tiñan que regularse por si mesmas e privatizar sectores estratéxicos da economía estatal. 

Levamos unha morea de tempo que os banqueiros e os grandes empresarios veñen dándonos a vara de que o público e o diaño en persoa e tiñan que privatizar ata a “sarna”. 

Todos estes santiños varóns ante esta crise que se aveciña (aínda non chegou na súa totalidade) xa falan de meter man nos cartiños públicos para sacarlles o cu do lume e trincar a caixa dos nosos impostos e seguir facendo falcatruadas . Agora os estados están a salvarlles a cara aos bancos, fai dous día Islandia nacionaliza a banca, Inglaterra a dous bancos de importancia e así chegaremos a tódolos estados de Europa.  

Falaban estes santiños varóns de que as nacionalizacións eran cousas moi antigas (comunismo,socialismo etc) para a economía e que a iniciativa privada fomentaba a riqueza dos pobos. Vaiche boa con estes desalmados, agora no 2008 temos que manter a centos de millóns de seres humanos en diferentes continentes en situación de “fame negra”.  

Nalgúns medios (afíns aos camaradas executivos) escriben con unha elegancia impresionante, lle chaman un “ pequeño timo”.Isto non é un timo isto é a gran estafa dos séculos XX e XXI. Non abondou de roubar como estiveron roubando que agora queren seguir roubando a mans cheas as costas da maioría do pobo.  Cando veñen mal dadas sempre falan de nacionalizar as perdas e privatizar as ganancias. Desta maneira lle dan gusto ao bandullo.¡Que carallo!. A gañar os de sempre. 

O estado nestes intres ten que intervir, pero non sometido á voluntade destes novos estafadores e poderosos capitalistas vestidos de “armani” e de pescozo branco.O estado soamente está sometido ao réxime democrático e o goberno de quenda aos seus votantes, non a eses irresponsables estafadores.

O estado ten que defender ante esta funesta desfeita do neoliberalismo salvaxe, un  sector público forte en industria, enerxía, transporte, ensino e sanidade, todo o demais e seguir curando o cancro con aspirinas.O estado tamén ten que intervir, pero depurando responsabilidades destes “executivos” con nomes e apelidos e metelos na cadea.  

Sabemos que o seu máximo expoñente da crise foi en EEUU con eses fanáticos do “vedú” económico neoliberal, xerando  a maior crise financeira desde a Gran Depresión entre eles o Sr. Bush que predicou durante unha chea de anos a gloria do capitalismo salvaxe ao estilo Oeste. O custo en mortos e cartos  dunha guerra ilegal en Irak (desta barbarie tamén temos ao irreponsable e xenocida Aznar) sen ningunha regulación e supervisión controlada. Moitos deses fanáticos entre eles o primeiro mandatario  son de xulgado de garda ou dun Tribunal Internacional.  

Como dicía ao principio, tanto privatizar e seguen privatizando (tanto por gobernos de dereita como socialdemócratas) que o estado quedou orfo. Falando en clave galega e con retranca: deixamos fai dúas décadas o raposo de gardián no galiñeiro, comeu a galiñas e agora non temos ovos nin galiñas e o raposo escarallándose de rir de nós.

¿Quen controlou ao raposo?. Alguén o sabe.