O Mañanceiro.

Eleccións Municipais 

O surrealismo da democracia 

Lizarza é unha pequena poboación guipuscoana na que todo o mundo coñécese. O pasado domingo 27 de maio, das 504 persoas con dereito a voto, abstivéronse 154. Os votantes foron, pois, 350.

Deses 350 cidadáns de Lizarza, 157 non quixeron introducir na urna a papeleta de ANV (ilegalizada nesa localidade), pero tampouco quixeron seguir o xogo electoral imposto polo PSOE, polo que decidiron votar en branco.

Fervello:  Coido que isto é o surrealismo da democracia no seu estado máis puro e todos os que se consideran demócratas ollean para outro lado, como o avestrúz.

Sempre entendin a democracia como algo moi distinto ao que aconteceu neste e en outros lugares do País Vasco. O pobo é que ten que depurar aos violentos dunha parte e de outra, iso se fai nas urnas, non nos xulgados nin con decretos dos gobernos. Non lembramos que nas primeiras elección democraticas de 1979, o mesmo pobo depurou  ou mandounos á mínima expresión aos partidos franquistas, Falanxe, Fuerza Nueva, etc.

Non se pode deixar a un colectivo de 200.000 votantes sen o dereito constitucional de votar. Aínda que eu non estou dacordo con estes señores, nunha democracia o que temos é que convencer a eses douscentos mil votantes que todo pódese arranxar sen violencia,  e para convencer fai falla persoas coa intelixencia suficiente e crer no que se está a facer, dicirlle ao pobo que non vai ser un camiño de rosas, temos o exemplo dos ingleses e Irlanda, puido máis a intelixencia que os bombardeos dialécticos dos que se aproveitan do terrorismo para facer política e dos agoreros; o que xamais pódese facer desde un punto de vista político é,  quitalos da circulación porque a uns partidos maioritarios lles salga da entreperna e un xuíz execute ese mandato antidemocratico.

Políticamente é un erro, xa que canto máis os repriman máis contestación e aumento de votos. Ou sexa, accionan o efecto contrario, iso é así e sempre será, vai na condición humana.

A democracia é convencer, dialogar e para iso fai falla políticos de talla que sepan facer o futuro coñecendo moi ben o pasado intentado rematar coa violencia en Euskadi con intelixencia, non estar na ambiguedade, unha de cal e outra de area, iso vai polo partido no goberno. dos outros que están nunha posición numantina, se non tiveran a ETA quizais a inventaban.

Coido que todos xa estamos fartos da violencia que xenera ETA, por iso que a intelixencia ten que estar sempre presente para tratar de rematar dunha vez. Isto de Lizarza non axuda moito que digamos, tanto para un fin desa violencia como para a democracia. Neste caso perdemos un pouco os que nos consideramos demócratas.

A democracia non se impón, senón pola forza das ideas.